Loading...

ԿողբxԹՈՒՄՈ

2016թ.-ին «Կողբ» հիմնադրամը «Սիմոնյան» կրթական հիմնադրամի հետ միասին նախաձեռնեց «ԹումոxԿողբ» նախագիծը, համաձայն որի սահմանամերձ Կողբ համայնքում կառուցվում է Թումո ստեղծարար տեխնոլոգիաների կենտրոն ավելի քան 1,000 ուսանողի համար, որը սպասարկելու է Նոյեմբերյան, Կողբ, Բերդավան և հարակից ավելի քան 10 սահմանամերձ համայնքների երիտասարդությանը: Համաձայն կնքված Հուշագրի` նախագծի ընդհանուր բյուջեն, ներառյալ մինչև 2025 թ. ընթացիկ գործառնական ծախսերը, կազմում է մոտ 3 մլն ԱՄՆ դոլար: Կենտրոնում իրականացվելու է «Թումո» կենտրոնի հիմնական կրթական ծրագիրը, որտեղ դասավանդելու են ՀՀ տարածքում գործող 4 կենտրոններում շրջագայող մասնագետները, ինչպես նաև հրավիրվելու են մասնագետներ արտերկրից:

ԿողբxԱնտարես

«Անտարես» ՀԿ-ի եւ «Կողբ» հիմնադրամի միջև կնքվեց համագործակցության համաձայնագիր, որի շրջանակներում հայերեն է թարգմանվելու և հրատարակվելու Նասսիմ Թալեբի «𝐈𝐧𝐜𝐞𝐫𝐭𝐨» շարքը, որը ներառում է հետեւյալ գրքերը.
✅ 𝐅𝐨𝐨𝐥𝐞𝐝 𝐛𝐲 𝐑𝐚𝐧𝐝𝐨𝐦𝐧𝐞𝐬𝐬
✅ 𝐓𝐡𝐞 𝐁𝐥𝐚𝐜𝐤 𝐒𝐰𝐚𝐧
✅ 𝐓𝐡𝐞 𝐁𝐞𝐝 𝐨𝐟 𝐏𝐫𝐨𝐜𝐫𝐮𝐬𝐭𝐞𝐬
✅ 𝐀𝐧𝐭𝐢𝐟𝐫𝐚𝐠𝐢𝐥𝐞
✅ 𝐒𝐤𝐢𝐧 𝐢𝐧 𝐭𝐡𝐞 𝐆𝐚𝐦𝐞
Մինչեւ փիլիսոփայական, մաթեմատիկական եւ հավանականության առավել (շատ) պրակտիկ խնդիրների հետազոտող դառնալը Նասսիմ Թալեբը 𝟮𝟭 տարի զբաղվել է ռիսկեր ստանձնելով ու կառավարելով։

Եռանկյուն

"Եռանկյուն" շարքի բանախոս քաղաքագետ Մանվել Սարգսյանը վերլուծում է Հայաստանում տեղի ունեցող քաղաքական իրադարձությունները՝ հիմնվելով պատմական փաստերի, ազգային էության և բնավորության վրա։ Շարքը չափազանց արդիական է, քանի որ վերլուծությունները այժմեական են և պարզաբանում են Ռուսաստան, Թուրքիա, Հայաստան եռանկյան կապն ու զարգացումները։

«Կողբ» թվային ստուդիա

«Կողբ» հիմնադրամը, համագործակցելով Կողբի Գեղարվեստի դպրոցի հետ, մեկնարկում է նոր պիլոտային նախագիծ՝ «Կողբ» թվային ստուդիա։ Նախագծի շրջանակներում Տավուշի մարզի Նոյեմբերյանի տարածաշրջանից՝ ընդունելության փուլը հաղթահարած 10 դիմորդներ 9 ամսվա ընթացքում անվճար կսովորեն 3D մոդելավորում։ Նախագծի մեկնարկից 3-4 ամիս հետո մասնակիցները կգրանցվեն ֆրիլանս հարթակներում և կսկսեն աշխատել արհեստական միջավայրում՝ ստանալով պատվերներ, իրականացնելով դրանք եւ վաստակելով համապատասխան գումար։ Նախագծի ավարտին մասնակիցները կտիրապետեն ֆրիլանս հարթակներում հեռահար աշխատելու հմտությունների, կունենան սեփական էջեր՝ համապատասխան պորտֆոլիոներով։

Համադիր

«Քաղաքակրթական և մշակութային հետազոտությունների կենտրոնի» հետ իրականացնում ենք «Համադիր» բանախոսությունների շարքը, որը նպատակ ունի առաջին հայացքից հակադիր դիրքորոշումներ ունեցող գործիչների հրավիրել քննարկումների համադրելու նրանք դիրքորոշումները։ Շարքը վարում է ՔՄՀԿ ավագ գիտաշխատող Աննա Գեւորգյանը։

Ռուս-թուրքական վանդակ

«Ռուս-թուրքական վանդակ» բանախոսությունների շարքը նպատակ ունի դիտարկել ռուս-թուրքական հարաբերությունները և Հայաստանի նշանակությունը նրանց վանդակում։

ԿողբxՎարդավառ

Հուլիսի 16-17-ին գնում ենք Կողբ💦🔥 Վարդավառին ընդառաջ «Կողբ» հիմնադրամը կազմակերպում է տոնին նվիրված կրթական, մշակութային եւ ժամանցային միջոցառումների իսկական հրավառություն։ Ավանդական խաղեր, լարախաղաց, ջրոցի, համերգներ, պարեր. ահա միջոցառումների ոչ ամբողջական ցանկը։ Այդ օրերին տարածաշրջանը կվերափոխվի կրթամշակութային կենտրոնի՝ ներգրավելով ոչ միայն տարածաշրջանի բնակչությանը, այլ նաեւ բազմաթով հյուրերի՝ ամբողջ Հայաստանից եւ արտերկրից։

Հայ-բրիտանական համաժողով

«Կողբ» հիմնադրամը կազմակերպում է հայ-բրիտանական հարաբերություններին նվիրված համաժողով, որի շրջանակներում տեղի կունենա նաեւ Օլիվեր Բոլդուինի «Վեց բանտ եւ երկու հեղափոխություն» գրքի հայերեն հրատարակության շնորհանդեսը։ Կազմակերպվող համաժողովի նպատակն է բացահայտել և ներկայացնել Մեծ Բրիտանիայի իրական դերակատարությունը մեր տարածաշրջանում և մասնավորապես վեջինիս ազդեցությունը Հայաստանի վրա։ Համաժողովի շրջանակներում Հայաստանից եւ Մեծ Բրիտանիայից մի շարք գիտնականներ ու հետազոտողներ կներկայացնեն թեմայի վերաբերյալ իրենց զեկույցները։