- ՄԵՆՔ
- ՄԵՐ ՀԱՎԱՏԱՄՔԸ
- ՄԵՐ ԳՈՐԾՈՒՆԵՈՒԹՅՈՒՆԸ
- ՆՎԻՐԱԲԵՐԵԼ
- ՖԻՆԱՆՍՆԵՐ
- ԿԱՊ ՄԵԶ ՀԵՏ
- ԾԱՌԱՏՈՒՆԿ
- ԷԼ. ԳՐԱԴԱՐԱՆ
-
Մուտք
Գրանցվել
- Հայ
«Կողբ» հիմնադրամը կազմակերպում է հայ-բրիտանական հարաբերություններին նվիրված համաժողով, որի շրջանակներում տեղի կունենա նաեւ Օլիվեր Բոլդուինի «Վեց բանտ եւ երկու հեղափոխություն» գրքի հայերեն հրատարակության շնորհանդեսը։
Կազմակերպվող համաժողովի նպատակն է բացահայտել և ներկայացնել Մեծ Բրիտանիայի իրական դերակատարությունը մեր տարածաշրջանում և մասնավորապես վեջինիս ազդեցությունը Հայաստանի վրա։
Համաժողովի շրջանակներում Հայաստանից եւ Մեծ Բրիտանիայից մի շարք գիտնականներ ու հետազոտողներ կներկայացնեն թեմայի վերաբերյալ իրենց զեկույցները։
Զեկույցները կարող եք դիտել մեր ալիքում։
"Եռանկյուն" շարքի բանախոս քաղաքագետ Մանվել Սարգսյանը վերլուծում է Հայաստանում տեղի ունեցող քաղաքական իրադարձությունները՝ հիմնվելով պատմական փաստերի, ազգային էության և բնավորության վրա։ Շարքը չափազանց արդիական է, քանի որ վերլուծությունները այժմեական են և պարզաբանում են Ռուսաստան, Թուրքիա, Հայաստան եռանկյան կապն ու զարգացումները։
Շարքը կարող եք դիտել մեր ալիքում։
Տեխնիկական դասընթաց- Ժորա Աբովյան Գեղարվեստական դասընթաց- Արա Ղուլիջանյան Առաջնորդության դասընթաց- Ժորա Աբովյան, Արա Ղուլիջանյան, Արթուր Աղաբաբյան
«Ռուս-թուրքական վանդակ» բանախոսությունների շարքը նպատակ ունի դիտարկել ռուս-թուրքական հարաբերությունները և Հայաստանի նշանակությունը նրանց վանդակում։
Շարքը կարող եք դիտել մեր ալիքում։
Արդեն երրորդ տարին է «Կողբ» հիմնադրամը կազմակերպում է Վարդավառին նվիրված մեծ տոնակատարություն Կողբ գյուղում։
Տեղացիները, ինչպես նաև հյուրեր ամբողջ Հայաստանից և արտերկրից այս օրերի ընթացքում հնարավորություն ունեն մասնակցելու կրթական, մշակութային և ժամանցային մի շարք միջոցառումների, վայելելու Վարդավառի բուն տոնակատարությունը, լիցքավորվելու, ստանալու վառ էմոցիաներ և հիշողություններ։
ԿողբxՎարդավառ նախագծի նպատակը հայկական ազգային արժեքների, ավանդույթների և տոնակատարությունների վերածնունդն է, մշակութային փոխանակությունը, սահմանամերձ տարածաշրջանի տնտեսական ակտիվությունն ու զարգացումը։
Այս տարի հուլիսի 5-ին, 6-ին և 7-ին ուղևորվում ենք Կողբ՝ ամենաՎԱՌ գույներով Վարդավառ նշելու։
«Կողբ» հիմնադրամն ու «Մարտական եղբայրություն» միաբանությունը հայտարարում են Արցախյան առաջին եւ երկրորդ պատերազմներին նվիրված՝ Վազգեն Սարգսյանի անվան գրական մրցույթ:
Մրցույթի նպատակներն են՝
ա. Պատերազմի՝ որպես ազգային կյանքի կարևորագույն, առանցքային իրադարձության, հանրային իմաստավորումն ու վերապրումը, ինչպես նաեւ պատերազմ անցած հանրության հոգեբանական, գեղարվեստական, վավերագրական ու վերլուծական փորձի ամրագրումն ու փոխանցումը, դրա տեղադրումը հանրային օրակարգի եւ ուշադրության կենտրոնում: Այս իմաստով ունենք բացասական նախադեպ՝ Արցախյան առաջին պատերազմի վերապրումն ու փորձը փաստացի մնացին լուսանցքում:
բ. Պատերազմի մասնակցի ձայնը, տեսակետը, ապրումը լսելի ու ընկալելի դարձնելը, հանրային ուշադրության կենտրոն բերելը: Այս առումով էլ ունենք բացասական փորձ, երբ պատերազմի, ինչպես նսև այլ հանրային կարևոր իրադարձությունների մեկնաբանությունը դառնում է նեղ խմբերի մենաշնորհ, որոնք հնարավորություն ունեն իրենց տեսակետը հրապարակայնորեն տիրաժավորելու:
գ. Պատերազմի մասնակիցների մեջ տաղանդների բացահայտումը՝ գրական, վերլուծական և այլն:
դ. Պատերազմի վավերագրումը, որը հետագայում պետք է նյութ դառնա պատմագիտության, հասարակագիտության, ռազմագիտության, ինչպես նաեւ արվեստի համար:
Մրցույթին կարող են մասնակցել Արցախյան առաջին եւ երկրորդ պատերազմներին, ինչպես նաեւ սահմանային ռազմական բախումներին մասնակցած զինվորականները՝ զորակոչիկ, կամավոր, պահեստազորային, սպաներ և ենթասպաներ, բժիշկներ և այլն:
Կարող են ներկայացվել նաև պատերազմի ընթացքում զոհվածների նյութերը:
Մրցույթին կարող են ներկայացվել հետևյալ գրական սեռերի և ոճերի ստեղծագործություններ.
ա. Գեղարվեսատական
Արձակ (պատմվածք, վիպակ, վեպ և այլն), բանաստեղծություն (բանաստեղծությունների շարք, պոեմ), պիես
բ. Վավերագրական (վավերա-գեղարվեստական)
Օրագրեր, հուշեր, գրառումներ Սրանք կարող են ունենալ գեղարվեստական տարրեր, բայց պետք է արտացոլեն միայն իրական, վավեր դեպքեր:
գ. Վերլուծական
Առանձին ռազմական դրվագների կամ ամբողջական գործողությունների, ճակատների ռազմական մասնագիտական վերլուծություն:
Ռազմական դրվագների կամ ամբողջական գործողությունների փորձի իմաստավորում, համակարգում:
Ռազմական փորձից բխող առաջարկների փաթեթ:
Ներկայացվող ստեղծագործությունները չպետք է հրատարակված լինեն եւ պետք է ուղղակի կամ անուղղակի կերպով արտացոլեն Արցախյան առաջին եւ երկրորդ պատերազմները։
ա. Ուղղակի կերպի օրինակներ
Ռազմական գործողությունների նկարագրություն՝ վավերագրական, գեղարվեստականացված
Ռազմական գործողություններին մասնակցության վերապրման, փորձի նկարագրություն
Ռազմական գործողությունների վերլուծություն, փորձի ամփոփում
բ. Անուղղակի կերպի օրինակներ
Պատերազմին մասնակցության փորձի վրա հիմնված ընդհանրացումներ՝ գեղարվեստական, էսեիստական և այլն: Սրանք պարտադիր չէ, որ արտացոլեն կամ նկարագրեն կոնկրետ և իրական դեպքեր, կամ էլ վերաբերվեն պատերազմին բառացի, սակայն պետք է առնչվեն պատերազմին մասնակցելու փորձին կամ հիմնվեն դրա վրա։
Ներկայացվող ստեղծագործությունների ծավալը չի սահմանափակվում, սակայն այն պետք է համապատասխանի տվյալ ժանրին և ոճին բնորոշ ողջամիտ և ընդունված չափերին։
Մրցանակներ
Սահմանվում է 3 հիմնական մրցանակ՝ անկախ ներկայացված ստեղծագործության սեռից և ժանրից:
1-ին մրցանակ - 700,000 դրամ
2-րդ մրցանակ - 500,000 դրամ
3-րդ մրցանակ - 300,000 դրամ
Ըստ հայեցողության և հանգամանքների՝ մրցանակաբաշխության ժյուրին կարող է վերոնշյալ 3-ից բացի սահմանել նաեւ հատուկ մրցանակներ, օրինակ, պատերազմում զոհվածների նյութերի, մրցույթի առավել երիտասարդ տաղանդավոր մասնակցի, ռազմական վերլուծության համար և այլն։
Ստեղծագործությունների ներկայացման ժամկետը 2023 թվականի հուլիսի 1-ն է։
Ներկայացման էլեկտրոնային հասցեն՝ info@koghb.org:
Մրցույթի արդյունքները հրապարակվում են մինչեւ 2023 թվականի սեպտեմբերի 21-ը։
Ժյուրիի կազմը ընտրվում եւ որոշվում է «Կողբ» հիմնադրամի եւ «Մարտական եղբայրություն» միաբանության կողմից՝ այդ մասին հրապարակային հայտարարությամբ մինչեւ 2022 թվականի դեկտեմբերի 1-ը։
Մանսուրյանի անվան կոմպոզիտորների միջազգային մրցույթ` հնի և նորի, դասականի ու ժամանակակիցի, ալեհեր ծերունու ու ամենախենթ երիտասարդի մտքի թռիչքի և, վերջապես, երաժշտության և խոսքի համարձակ սինթեզ:
Մրցույթի առաքելությունն է տաղանդավոր երաժիշտների բացահայտումը, դարավոր հայ գրական ժառանգության վերհանումն ու վերածնունդը, արդի պոեզիայի հանրահռչակումը, հայ գրի, խոսքի արժևորումն աշխարհին ամենահասանելի լեզվի՝ երաժշտության միջոցով։
Մրցույթ, որը կրում է հայ ժամանակակից կոմպոզիտորական դպրոցի խոշորագույն ներկայացուցիչներից մեկի` մաեստրո Տիգրան Մանսուրյանի անունը:
Մանսուրյանական երաժշտությունն արտացոլում է հայ երաժշտական ավանդույթի ամբողջ ժառանգությունն` իր ավելի քան հազար տարվա վաղեմությամբ ու հագեցած գունապնակով` միջնադարյան եկեղեցական մեղեդիներից մինչև մերօրյա ամենաարդի զարգացումները:
Մրցույթի մանրամասներին ծանոթանալու համար այցելեք www.mansuriancompetition.org:
«Մեր պայքարը» շարքը հանդիսանում է «Ռուս-թուրքական վանդակ» շարքի տրամաբանական շարունակությունը։
Այն նվիրված է մեր ժամանակներին՝ 2015 թվականից սկսած: Նպատակ ունի դիտարկել, թե ինչպես ձևավորվեց մեր ժամանակների ռուս-թուրքական դաշինքը և ինչպես արմատապես փոխեց մեր կյանքը։
Շարքը կարող եք դիտել մեր ալիքում։
«Կողբ» հիմնադրամի գրահրատարակչական նախագծերը նպատակ ունեն խթանել արժեքավոր և արդիական գրականության հրատարակությունը և հասանելիությունը հայերենով, հնարավորություն տալով ընթերցողին բացահայտել նոր գաղափարներ, տեսակետներ, խրախուսել ազատ մտածողությունը և նպաստել ինտելեկտուալ դիսկուրսին ու հասարակական առաջընթացին:
«Կողբ» հիմնադրամի հրատարակչական ծրագրի շրջանակներում լույս են տեսել հետևյալ գրքերը՝
• «Վեց բանտարկություն և երկու հեղափոխություն», Օլիվեր Բոլդուին (2022)
• «Հորիզոններ. համապարփակ մոտեցում ազգային անվտանգության համակարգի կերտմանը», Հրաչյա Արզումանյան (2023)
• «Մեծն Վասակ Սյունի», Համլետ Դավթյան (2023)
• «Մեզ անծանոթ Վարդանանց պատերազմը․ Հայաստանյայց Առաքելական եկեղեցին և մեր պատմության ընթացքը», Համլետ Դավթյան (2024)
• «Մամիկոնյաններ. առասպել և իրականություն», Համլետ Դավթյան (2024)
2016թ.-ին «Կողբ» հիմնադրամը «Սիմոնյան» կրթական հիմնադրամի հետ միասին նախաձեռնեց «ԹումոxԿողբ» նախագիծը, համաձայն որի սահմանամերձ Կողբ համայնքում կառուցվում է Թումո ստեղծարար տեխնոլոգիաների կենտրոն ավելի քան 1,000 ուսանողի համար, որը սպասարկելու է Նոյեմբերյան, Կողբ, Բերդավան և հարակից ավելի քան 10 սահմանամերձ համայնքների երիտասարդությանը:
Համաձայն կնքված Հուշագրի` նախագծի ընդհանուր բյուջեն, ներառյալ մինչև 2025 թ. ընթացիկ գործառնական ծախսերը, կազմում է մոտ 3 մլն ԱՄՆ դոլար:
Կենտրոնում իրականացվելու է «Թումո» կենտրոնի հիմնական կրթական ծրագիրը, որտեղ դասավանդելու են ՀՀ տարածքում գործող 4 կենտրոններում շրջագայող մասնագետները, ինչպես նաև հրավիրվելու են մասնագետներ արտերկրից:
Պատահականության խաբկանքից մոլորվածներըՍև կարապՊրոկրուստյան մահիճըՀակափխրունությունԵրբ խաղադրույքը սեփական մաշկդ է
«Քաղաքակրթական և մշակութային հետազոտությունների կենտրոնի» հետ իրականացնում ենք «Համադիր» բանախոսությունների շարքը, որը նպատակ ունի առաջին հայացքից հակադիր դիրքորոշումներ ունեցող գործիչների հրավիրել քննարկումների համադրելու նրանք դիրքորոշումները։ Շարքը վարում է ՔՄՀԿ ավագ գիտաշխատող Աննա Գեւորգյանը։
Շարքը կարող եք դիտել մեր ալիքում։
2020 թվականի հոկտեմբերին լրացավ «Կողբ» հիմնադրամի 7-ամյակը, ինչի առթիվ Տավուշի մարզի Կողբ համայնքի վարչական տարածքոմ գտնվող «Զիկատար» պետական արգելավայրի տարածքում 5 հեկտարի վրա տնկվեց ընդհանուր 7․000 անտառային, անտառային-պտղատու եւ գեղազարդ ծառ:
Միջոցառումը բաց էր հիմնադրամի աջակիցների, բնության սիրահարների և լայն հանրության համար։ 2020թ. հուլիսից սկսած մասնակիցները հնարավորություն ունեցան հիմնադրամի կայքում տարածքի սխեմատիկ քարտեզի վրա առցանց ամրագրել իրենց տնկելիք ծառը և դրա տեղադրությունը, իսկ ծառատունկի օրը, անձամբ տնկել այն։
Նախագիծը կնպաստի ՀՀ-ում անտառածածկ տարածքների ավելացմանը, ինչպես նաև կօգնի ավարտին հասցնել Կողբում Թումո ստեղծարար կենտրոնի շինարարությունը, քանի որ միջոցառման ամբողջ հասույթը ուղղվել է այդ նպատակին։
2020 թվականի հունիսի 1-ին՝ երեխաների պաշտպանության օրը, «Կողբ» հիմնադրամը մեկնարկեց հերթական կրթական նախագիծը՝ հայտարարելով ժամանցային տեսախաղի ստեղծման և մշակման բաց մրցույթ։
Մրցույթին կարող են մասնակցել բոլոր ստեղծարար անձինք, թիմերը եւ կազմակերպությունները՝ մինչեւ օգոստոսի 1-ը ներկայացնելով տեսախաղի սեփական կոնցեպտն ու սյուժեն՝ ուղղված 10 տարեկանից բարձր երեխաների հետեւյալ կարողությունների զարգացմանը.
✅ Մտածել եւ հասկանալ
✅ Որոշում կայացնել
✅ Ստեղծագործել և ստեղծել
✅ Չվնասել ու պահպանել բնությունը
Մրցույթի պայմաններին կարող եք ծանոթանալ այստեղ։
2019 թվականի նոյեմբերին «Կողբ» հիմնադրամը «Բուն» հիմնադրամի հետ համագործակցությամբ մեկնարկեց ամենաարժեքավոր նախագծերից մեկը՝ «Քաղաքագիտության ալգորիթմ» բանախոսությունների շարքը։ Նպատակը մեր իմացածը հասկանալն ու (վերա) իմաստավորելն է, քանի որ միայն այդ պարագայում կկարողանանք այն ծառայեցնել առաջընթացին ու կայուն զարգացմանը: Շարքի բանախոսն է քաղաքագետ Մանվել Սարգսյանը։
«Կողբ» հիմնադրամը և «Բուն» գիտամշակութային հիմնադրամը» 2019 թվականի նոյեմբերին մեկնարկեցինք բանախոսությունների նոր շարք՝ «Ինքնիշխանության անատոմիա»։ Բանախոսությունների շարքում անդրադարձ է լինելու ինքնիշխանության խնդրի տարբեր ասպեկտներին։ Ինքնիշխանությունը դիտարկվելու է փիլիսոփայական, քաղաքական, մարդաբանական, տնտեսական, մշակութային, կրթական ասպեկտներով։ Գլխավոր հարցադրումն այն է, թե ալգորիթմների ու տվյալների դարաշրջանում մարդիկ ու հասարակությունները որքանով կկարողանան դառնալ կամ մնալ ինքնիշխան։
Արդյո՞ք տոտալ վերահսկողության ժամանակներում մտածելու և գործելու խիզախությունը վտանգված է։ Խնդիրը հատկապես արդիական է Հայաստանում, որտեղ արմատացած է այն պատկերացումը, որ մեր շուրջը հյուսված են դավադրության տեսություններ, և ամեն ինչ այդ տեսությունների շրջանակում է ընթանում։ Ինչպե՞ս կարելի է դուրս գալ այս տեղապտույտից, որը կոչվում է «վարժեցված անօգնականություն»։ Մի մտածելակերպ, երբ մարդիկ չեն հավատում, որ իրենք և մյուսները կարող են ինչ-որ բան փոխել։
Նախագծի համակարգողն է Սերոբ Խաչատրյանը։
«Կողբ» հիմնադրամի և «Բուն» գիտամշակութային հիմնադրամի 2017 թվականին ստորագրված փոխըմբռնման հուշագրով հաստատված համագործակցությունը շարունակվեց բանախոսությունների երկրորդ շարքի՝ «Ի՞նչ անել, ինչպե՞ս անել» նախագծի շրջանակներում։ Շարքը նպատակ ունի քննարկել արժեքների գործնական կիրառման շնորհիվ այսօր առկա խնդիրների լուծման տարբերակները։
Արժեքների հեղափոխությանը պետք է հետեւի գաղափարներինը, հետևաբար արժեքների մասին խոսքին պետք է հաջորդի ոլորտային կոնկրետ գաղափարների եւ առաջարկների վերաբերյալ խոսքը։
Շարքի բանախոսն է Արման Բարսեղյանը։
Կողբ հիմնադրամի և Ռեֆրութ ՍՊԸ–ի համագործակցությամբ Տավուշի մարզում իրականացվում է գյուղատնտեսական ինկուբատորի ստեղծման նախագիծը, որի հիմնական նպատակներն են․
✅Տավուշի մարզի սահմանամերձ համայնքներում գյուղատնտեսական մթերքի նկատմամբ կայուն պահանջարկի ձեւավորում,
✅Ուսուցման եւ պրակտիկ աշխատանքի միջոցով համապատասխան գիտելիքների և հմտությունների տիրապետող երիտասարդ մասնագետների պատրաստում, ովքեր հետագայում կարող են միավորվել և ինքնուրույն գյուղատնտեսական կոոպերատիվներ կամ այլ տնտեսություններ ստեղծել։
✅Այդ տնտեսությունների արտադրանքի միասնական մարքետինգի և իրացման կազմակերպում,
✅Գյուղատնտեսական ինկուբատորի գործունեության արդյունքում ձեւավորվելիք միջոցներով (նաեւ Կողբ համայնքում կառուցվող Թումո կենտրոնի) ընթացիկ ծախսերի մասնակի ֆինանսավորում։
«Կողբ» հիմնադրամը և «Բուն» գիտամշակութային հիմնադրամը 2017 թվականին ստորագրեցին փոխըմբռնման հուշագիր և սկսեցին իրենց համագործակցությունը «Արժեբանություն» նախագծի շրջանակներում։ Նախագիծը իրենից ենթադրում է 11 բանախոսություն-քննարկումներից բաղկացած հանդիպումների շարք, որը տեղի է ունենում յուրաքանչյուր ամսվա վերջին հինգշաբթի օրը։ Այն նպատակ ունի նման քննարկումների շնորհիվ նպաստել արժեքահեն հասարակության ստեղծմանն ու կայուն զարգացմանը։ Նախագիծը համակարգում է արևելագետ և դիվանագետ, ԵՊՀ Արաբագիտության ամբիոնի հիմնադիրներից պրոֆեսոր Դավիթ Հովհաննիսյանը։
Բունուս կրթական հարթակում մեկնարկել է «Բուն» հիմնադրամի հետ համագործակցության հերթական արդյունքը՝ Հասարակագիտության 10-րդ դասարանի դասընթացի առցանց տեսաշարը առաջին մասը «Անձնական ֆինանսներ», երկրորդը՝ «Ձեռնարկատիրություն» թեմաներով։
Չափազանց արդիական եւ բարձրորակ բովանդակությամբ այդ կրթական տեսանյութերը հասանելի են ոչ միայն Հայաստանի բոլոր բնակավայրերի աշակերտներին, այլ նաև երկրից դուրս հայկական համայնքների մեր հայրենակիցներին:
«Կողբ» հիմնադրամի եւ ԹՈՒՄՈ ստեղծարար տեխնոլոգիաների կենտրոնի համագործակցության շրջանակներում սահմանամերձ Կողբի և հարակից համայնքների 26 պատանիներ մասնակցեցին ԹՈՒՄՈ-ի ամառային ճամբարին:
Արդեն մի քանի տարի շարունակ «Կողբ» հիմնադրամը կրթաթոշակներ է շնորհում «Քվանտ» վարժարանի «Օժտված երեխաներ» մրցույթի հաղթողներին՝ խրախուսելով նրանց լավագույնս դրսևորել իրենց գիտելիքները և հաղթանակներ տանել տարբեր օլիմպիադաներում։
Հիմնադրամը տարածաշրջանի ավելի քան 10 համայնքների պատանիներից կազմավորել է Զիակատար ֆուտբոլային թիմը, որը մասնակցում է ՀՀ ֆուտբոլի մանկապատանեկան առաջնությանը։ Թիմը նախորդ տարի դարձավ իր ենթախմբի չեմպիոն՝ իրենից հետ թողնելով մայրաքաղաքի մի շարք անվանի թիմերի, և դուրս եկավ մինչև 16 տարեկանների բարձրագույն լիգա, որտեղ և հիմա թիմը հանդես է գալիս։ Թիմը մարզում է ՀՀ երիտասարդական հավաքականի նախկին մարզիչ Սամվել Ադամյանը։
Հայաստանում և Արցախում «Կողբ» հիմնադրամի շնորհիվ շուրջ 90 կրթական և մշակութային ծրագրեր են ֆնանսավորվել ընդհանուր 100 միլիոն դրամ ֆոնդով։ Մեր դիմորդները հնարավորություն են ստացել սկսել կամ շարունակել իրենց կրթությունը ոչ միայն հայաստանյան կրթական հաստատություններում, այլ նաև աշխարհի այլ բուհերում, ինչպես Բերքլիում, Օքսֆորդում, Սորբոնում և այլն։
«Կողբ» հիմնադրամի նախաձեռնությամբ եւ Նոյեմբերյան համայնքի ավագանու որոշմամբ Կողբի երաժշտական դպրոցն անվանակոչվեց մեծանուն կոմպոզիտոր Տիգրան Մանսուրյանի պատվին։
Անվանակոչության միջոցառմանը մաեստրո Մանսուրյանի ներկայությունն ու հուզիչ խոսքը այն դարձրին էլ ավելի ջերմ ու հիշարժան։
Միջոցառումը շարունակվեց դպրոցի աշակերտների և ուսուցիչների համերգով՝ լի մանսուրյանական ոգով։
Վերանորոգված, կահավորված, նոր երաժշտական գործիքներով համալրված եւ արդեն Տիգրան Մանսուրյանի անունը կրող դպրոցի ուսուցիչներն ու սաները ավելի մեծ պատասխանատվությամբ կշարունակեն իրենց աշխատանքն ու կրթությունը։
2021 թվականի հոկտեմբերի 7-ին Մերիդիան էքսպո կենտրոնում «Կողբ» հիմնադրամը և Անտարես ՀԿ-ն կազմակերպեցին աշխարհահռչակ գրող, մաթեմատիկոս, թրեյդեր Նասիմ Թալեբի Incerto գրքերի շարքի շնորհանդեսը։ Շնորհանդեսը բաղկացած էր երեք մասից՝ երաժշտամշակութային, որը նախագծել և կազմել էր մաեստրո Տիգրան Մանսուրյանը, կազմակերպիչների խոսք, գրքերի ներկայացում, Նասիմ Թալեբի ուղերձի ցուցադրություն, թարգմանիչների և խմբագրի խոսք, ջազ համերգ Վահագն Հայրապետյանի և տիրոյի մասնակցությամբ։
Միջոցառման հինգ գործընկերներից յուրաքանչյուրը ներկայացրեց շարքի գրքերից մեկը և իր կողմից մեկ խորհրդանշական նվեր՝ Նասիմ Թալեբի, Տիգրան Մասնուրյանի, Վահագն Խաչատրյանի և Վահագն Հայրապետյանի ստորագրությամբ գրքերը աճուրդի ներկայացնելով։
Շնորհանդեսի հինգ գործընկերներն էին՝ Երևանի կոնյակի գործարանը, «Տելեկոմ Արմենիա» ընկերությունը, «Ֆորա Պրեմիում» ընկերությունը, «Արմենիան Հելիքոփթերս» ընկերությունը և «Արմենիա Մարիոթ Երևան» հյուրանոցը։ Աճուրդից գոյացած ողջ հասույթն ուղղվելու է Հայաստանի մարզերում ֆիզիկամաթեմատիկական-ինժեներական կրթության զարգացմանը։
2021 թվականի հունիսի 27-ին Արամ Խաչատրյանի տուն-թանգարանում տեղի ունեցավ Նասիմ Թալեբի Incerto շարքի հայերեն թարգմանությամբ "Սև կարապը" և "Պրոկրուստյան մահիճը" գրքերի շնորհանդեսը, ինչը մեկնարկեց հեղինակի՝ հայ ընթերցողին ուղղված տեսաուղերձով։ Դրան հաջորդեց Թալեբի կոնցեպտների և մեր իրականության մեջ դրանց դրսեւորումների վերաբերյալ քննարկումը։ Քննարկում-շնորհանդեսի հրավիրյալ հյուրերն էին Սերոբ Խաչատրյանը, Վահագն Խաչատրյանը, Տիգրան Մանսուրյանը։
2019 թվականի նոյեմբերի 16-ին «Կողբ» և «Բուն» հիմնադրամները նշեցին իրենց համագործակցության 2 տարին, ինչով էլ մեկնարկեցին բանախոսությունների երկու նոր շարք՝ «Ինքնիշխանության անատոմիա», «Քաղաքագիտության ալգորիթմ»։ Հիմնադրամների երկամյա համագործակցությունը սկիզբ դրեց ևս մեկ համագործակցության «Արամ Խաչատրյանի տուն-թանգարանի» հետ։
2018թ. հոկտեմբերի 19-ին «Մեգերյան կարպետ Արմենիայում» տեղի ունեցավ «Կողբ» հիմնադրամի հերթական բարեգործական միջոցառումը, որի ընթացքում հավաքագրված միջոցները ուղղվեցին Տավուշի մարզի սահմանամերձ տարածաշրջանում իրականացվող «Կողբ–Թումո» նախագծի ֆինանսավորմանը։
2017թ.-ին Գաֆէսճեան արվեստի կենտրոնում տեղի ունեցավ «Կողբ» հիմնադրամի առաջին բարեգործական միջոցառումը, որի ընթացքում հավաքագրված միջոցները ուղղվեցին Տավուշի մարզի սահմանամերձ տարածաշրջանում իրականացվող "ԿողբxԹումո" նախագծի մեկնարկին։
2017թ. հունիսի 6-ին Տավուշի մարզի Կողբ գյուղում տեղի ունեցավ "ԹումոxԿողբ" նախագծի շինարարության հանդիսավոր մեկնարկը հաստատող առաջին քարի տեղադրման արարողությունը: Միջոցառումը կազմակերպվել էր «Կողբ» կրթության, մշակույթի և սպորտի զարգացման հիմնադրամի և «Սիմոնյան» կրթական հիմնադրամի կողմից: Միջոցառմանը մասնակցում էին նաև ՀՀ նախագահ Սերժ Սարգսյանը, պաշտպանության նախարար Վիգեն Սարգսյանը, Տավուշի մարզպետ Հովիկ Աբովյանը, «Սիմոնյան» կրթական հիմնադրամի հիմնադիր Սեմ Սիմոնյանը, «Յուքոմ» ընկերության տնօրեն Հայկ Եսայանը, բազմաթիվ հյուրեր արտասահմանից և Հայաստանից:
2015 թ.-ին տեղի ունեցավ Կողբ հիմնադրամի գործունեության և կայքէջի գործարկման պաշտոնական մեկնարկը։
2022 թվականի նոյեմբերի 3-ին Մարիոթ Արմենիա հյուրանոցի «Տիգրան Մեծ» սրահում կայացավ Օլիվեր Բոլդուինի «Վեց բանտարկություն և երկու հեղափոխություն» գրքի շնորհանդեսը:
Ալեքսանդր Խատիսյանի հրավերով 1920թ.-ի աշնանը Հայաստան ժամանած և ՀՀ բանակում որպես փոխգնդապետ ծառայության անցած՝ Մեծ Բրիտանիայի վարչապետ Ստենլի Բոլդուինի որդու՝ Օլիվեր Բոլդուինի՝ «Վեց բանտարկություն և երկու հեղափոխություն» գիրքը Հայաստանում իր տեսածի և իր հետ պատահածի մասին է։
Գրքի առաջին հրատարակությունից 100 տարի անց այն հայ ընթերցողին է ներկայանում Լեոնիդ Զիլֆուգարյանի թարգմանությամբ, Լեռնիկ Դալլաքյանի խմբագրությամբ և Հրանտ Տեր-Աբրահամյանի նախաբանով։
Շնորհանդեսի սկզբում բացման խոսքով հանդես եկան Միացյալ Թագավորությունում ՀՀ դեսպան Վարուժան Ներսեսյանը և Հայաստանում Մեծ Բրիտանիայի և Հյուսիսային Իռլանդիայի Միացյալ Թագավորության դեսպան Ջոն Գալագերը:
Այնուհետև պատմաբան, հրապարակախոս Հրանտ Տեր-Աբրահամյանը ներկայացրեց «Հակաբրիտանական քարոզչության կաղապարը ռուսական, սովետական, սովետահայ պատմագիտությունում և հետսովետական Հայաստանում» թեմայով զեկույցը:
Մուտքագրեք այն էլ-փոստի հասցեն, որով գրանցվել եք։ Գաղտնաբառի փոփոխության վերաբերյալ ցուցումները կուղարկվեն այդ հասցեին։